حوار ساذج بين متدين و اشتراكي و رأسمالي
متدين نص لبة مش فاهم في الدين : فلتكن دولة إسلامية و سيرزقكم الله الخير و يبارك لكم و ينتهي الفساد في مصر...
اشتراكي نص مثقف : يعني إيه دولة إسلامية؟؟؟ يعني شكل الاقتصاد عامل ازاي؟؟؟ و الضرائب ؟؟؟ و القطاع العام؟؟؟؟
متدين نص لبة: نرجع إلى القران و أقوال السابقين؟؟؟؟ أليس الإسلام هو الحل.... نخرج الزكاة و نجمع الجزية و نعطيهم للفقراء.... و نبيع القطاع العام و نطلق حرية الملكية كما كان في عهد الصحابة.
اشتراكي نص مثقف : يعني نزيد الضرائب على الأغنياء لمصلحة الفقراء ولا نخفضها عليهم لنأتي بالمستثمرين؟؟؟ إيه رأي الإسلام؟؟؟
متدين نص لبة : لم يأتي لنا المستثمرين إلا بالفساد و الخراب.... يجب أن نعتمد على أنفسنا مقتدين بكتاب الله و سنة نبيه و لا نربط أنفسنا بالغرب و لا نتخذهم أولياء لنا من دون الله.....
رأسمالي مفلس: ايه اللي أنت بتقوله ده؟؟؟ ازاي عايز تقيم اقتصاد من غير ما تجذب استثمار؟؟؟ أنت ناسي إن أغلب سكان بلدك تحت خط الفقر و اللي أنت عايز تعمله ده كفيل ان اللي معاه فلوس ياخدها و يهرب من البلد؟؟
متدين نص لبة: المسائل دي سيتم معالجتها في وقتها عندما تصبح البلد في يدنا نحن المسلمون الحقيقيون و عندنا من رجال الاقتصاد و رجال التجارة من سيجدون الحلول في حدود الشريعة.....
اشتراكي نص مثقف: لا يعجبني قولك مسلمون حقيقيون... فلا أحد يمتلك الحقيقة.... كما أنك لا تمتلك منهج نظري في الاقتصاد و السياسة لنقف خلفك ندعمه..... أنت لا تملك سوى الفضيلة و العبادات و الحدود و هي أشياء لا تقيم دولة بل تقيم أفراد...
متدين نص لبة: كيف تقول ذلك و قد أقام المسلمون الأوائل بهذه القيم حضارة دان لها الشرق و الغرب و لا داعي للخوض فيما تعرفه جيداُ و لكنك تنكره.... نصروا الله فنصرهم و ثبت أقدامهم....
اشتراكي نص مثقف: هل فيكم رجل كعمر في عدله و حزمه....؟؟ هل فيكم رجل كالرازي و ابن الهيثم و ابن سينا... لم تنهض الأمة بإيمانها بل بعلمها..... و لعلمك الشخصي أغلب علماء الأمة لم يكونوا متدينين أصلاً و لم يكونوا سنة ... أغلبهم كان من المعتزلة و أهل الكلام الذين يعملون العقل قبل النص..... و لو كانوا أحياءاً لكفرتوهم كما فعلتم مع غيرهم
متدين نص لبة: لا يهمني من كانوا بل يهمني نظام الدولة كان إسلامي.....
اشتراكي نص مثقف: أنا لحد الآن مش فاهم ايه نظام الدولة ده أساساً..... أنا أفهم إن أغلب شعبنا فقير فيجب أن تأخذ الدولة منهج يدعم هؤلاء البائسين و يدعم الصناعة الوطنية و ينشئ الصناعات الإنتاجية العملاقة بيد الدولة لا بيد الأفراد.
رأسمالي مفلس: العصر ده انتهى من الدنيا.... ما فيش النهاردة دولة ممكن تنعزل و تنموا بالصورة دي... من غير أموال المستثمرين لا صناعة و لا زراعة ممكن تنجح... أنت نفسك اعترفت إن الشعب فقير.... طيب هتجيب من فين ضرائب لخزينة الدولة...
اشتراكي نص مثقف: مصر بلد مليانة موارد لو النهب توقف.... و كمان في نماذج كثير في المجتمع من أمثال عز و الشاذلي و نافع و غيرهم يستحقوا التأميم بجدارة.....
متدين نص لبة: التجربة الاشتراكية لم تأتي الا بالنكسة و الفساد و الطغيان
اشتراكي نص مثقف: الاشتراكية أتت بالمثقفين و المصانع العملاقة اللي كلنا لسه عايشين منها لكن الرأسمالية أتت بالجهلة و رجال الأعمال الانتهازيين إلى الحكم و أنهت كل ما هو وطني أو له قيمة و طغت المادة و انهارت الصناعات المهمة و بقينا دولة استهلاكية...
رأسمالي مفلس: النماذج الإسلامية في آخر ثلاث قرون توضح إنها نماذج صناعة الجهل و التطرف و لا يوجد نموذج إسلامي واحد ناجح باستثناء ماليزيا اللي اتبعت الرأسمالية الليبرالية في سياساتها و شوف إيران و السعودية و أفغانستان.
متدين نص لبة: دي كلها نماذج منحرفة أتت بمساعدات غربية لتشويه صورة الإسلام.... الدولة الإسلامية غير كده... جربنا الاشتراكية و الرأسمالية و فشلوا.... تعالوا نجرب الإسلامية و نشوف....
اشتراكي نص مثقف: لم نفشل الاشتراكية, لكنها كأي حركة و طنية حرة تم ضربها من الخارج
رأسمالي مفلس: الرأسمالية ما زالت وليدة في مصر و لا يمكن الحكم عليها.... خلونا نكون أبناء العصر و الرأسمالية هي لغة العصر............
متدين نص لبة: لن أحيد عن كتاب الله
اشتراكي نص مثقف: أنا منحاز للفقراء و العدالة الاجتماعية
رأسمالي مفلس: لازم نبقى دولة ذات اقتصاد قوي و عصري علشان نواجه العالم
اشتراكي نص مثقف : يعني إيه دولة إسلامية؟؟؟ يعني شكل الاقتصاد عامل ازاي؟؟؟ و الضرائب ؟؟؟ و القطاع العام؟؟؟؟
متدين نص لبة: نرجع إلى القران و أقوال السابقين؟؟؟؟ أليس الإسلام هو الحل.... نخرج الزكاة و نجمع الجزية و نعطيهم للفقراء.... و نبيع القطاع العام و نطلق حرية الملكية كما كان في عهد الصحابة.
اشتراكي نص مثقف : يعني نزيد الضرائب على الأغنياء لمصلحة الفقراء ولا نخفضها عليهم لنأتي بالمستثمرين؟؟؟ إيه رأي الإسلام؟؟؟
متدين نص لبة : لم يأتي لنا المستثمرين إلا بالفساد و الخراب.... يجب أن نعتمد على أنفسنا مقتدين بكتاب الله و سنة نبيه و لا نربط أنفسنا بالغرب و لا نتخذهم أولياء لنا من دون الله.....
رأسمالي مفلس: ايه اللي أنت بتقوله ده؟؟؟ ازاي عايز تقيم اقتصاد من غير ما تجذب استثمار؟؟؟ أنت ناسي إن أغلب سكان بلدك تحت خط الفقر و اللي أنت عايز تعمله ده كفيل ان اللي معاه فلوس ياخدها و يهرب من البلد؟؟
متدين نص لبة: المسائل دي سيتم معالجتها في وقتها عندما تصبح البلد في يدنا نحن المسلمون الحقيقيون و عندنا من رجال الاقتصاد و رجال التجارة من سيجدون الحلول في حدود الشريعة.....
اشتراكي نص مثقف: لا يعجبني قولك مسلمون حقيقيون... فلا أحد يمتلك الحقيقة.... كما أنك لا تمتلك منهج نظري في الاقتصاد و السياسة لنقف خلفك ندعمه..... أنت لا تملك سوى الفضيلة و العبادات و الحدود و هي أشياء لا تقيم دولة بل تقيم أفراد...
متدين نص لبة: كيف تقول ذلك و قد أقام المسلمون الأوائل بهذه القيم حضارة دان لها الشرق و الغرب و لا داعي للخوض فيما تعرفه جيداُ و لكنك تنكره.... نصروا الله فنصرهم و ثبت أقدامهم....
اشتراكي نص مثقف: هل فيكم رجل كعمر في عدله و حزمه....؟؟ هل فيكم رجل كالرازي و ابن الهيثم و ابن سينا... لم تنهض الأمة بإيمانها بل بعلمها..... و لعلمك الشخصي أغلب علماء الأمة لم يكونوا متدينين أصلاً و لم يكونوا سنة ... أغلبهم كان من المعتزلة و أهل الكلام الذين يعملون العقل قبل النص..... و لو كانوا أحياءاً لكفرتوهم كما فعلتم مع غيرهم
متدين نص لبة: لا يهمني من كانوا بل يهمني نظام الدولة كان إسلامي.....
اشتراكي نص مثقف: أنا لحد الآن مش فاهم ايه نظام الدولة ده أساساً..... أنا أفهم إن أغلب شعبنا فقير فيجب أن تأخذ الدولة منهج يدعم هؤلاء البائسين و يدعم الصناعة الوطنية و ينشئ الصناعات الإنتاجية العملاقة بيد الدولة لا بيد الأفراد.
رأسمالي مفلس: العصر ده انتهى من الدنيا.... ما فيش النهاردة دولة ممكن تنعزل و تنموا بالصورة دي... من غير أموال المستثمرين لا صناعة و لا زراعة ممكن تنجح... أنت نفسك اعترفت إن الشعب فقير.... طيب هتجيب من فين ضرائب لخزينة الدولة...
اشتراكي نص مثقف: مصر بلد مليانة موارد لو النهب توقف.... و كمان في نماذج كثير في المجتمع من أمثال عز و الشاذلي و نافع و غيرهم يستحقوا التأميم بجدارة.....
متدين نص لبة: التجربة الاشتراكية لم تأتي الا بالنكسة و الفساد و الطغيان
اشتراكي نص مثقف: الاشتراكية أتت بالمثقفين و المصانع العملاقة اللي كلنا لسه عايشين منها لكن الرأسمالية أتت بالجهلة و رجال الأعمال الانتهازيين إلى الحكم و أنهت كل ما هو وطني أو له قيمة و طغت المادة و انهارت الصناعات المهمة و بقينا دولة استهلاكية...
رأسمالي مفلس: النماذج الإسلامية في آخر ثلاث قرون توضح إنها نماذج صناعة الجهل و التطرف و لا يوجد نموذج إسلامي واحد ناجح باستثناء ماليزيا اللي اتبعت الرأسمالية الليبرالية في سياساتها و شوف إيران و السعودية و أفغانستان.
متدين نص لبة: دي كلها نماذج منحرفة أتت بمساعدات غربية لتشويه صورة الإسلام.... الدولة الإسلامية غير كده... جربنا الاشتراكية و الرأسمالية و فشلوا.... تعالوا نجرب الإسلامية و نشوف....
اشتراكي نص مثقف: لم نفشل الاشتراكية, لكنها كأي حركة و طنية حرة تم ضربها من الخارج
رأسمالي مفلس: الرأسمالية ما زالت وليدة في مصر و لا يمكن الحكم عليها.... خلونا نكون أبناء العصر و الرأسمالية هي لغة العصر............
متدين نص لبة: لن أحيد عن كتاب الله
اشتراكي نص مثقف: أنا منحاز للفقراء و العدالة الاجتماعية
رأسمالي مفلس: لازم نبقى دولة ذات اقتصاد قوي و عصري علشان نواجه العالم
الجميع: خلينا أصحاب أحسن.
posted by Tamer at 1:51 PM
10 Comments:
في النهاية ..
أعتقد أن أكثرهم تأهيلا لان ينفجر في الجميع لأنه الأكثر قهرا .
أظنه الإسلامي النص لبة .
ملحوظة : الفرسان الثلاثة، لم يفكر أحد منهم في فكرة نابعة من مصر، أو حتى نابعة من شخصه هو .
I think a prerequisite for this discussion is a free society where each of them and any other person can put forward his/her ideas and engage in open debates and discussion that expose the pros and cons of such ideas. During these discussions and debates hybrid ideas that better fit the reality and balance the extreme tendencies of ideologies will emerge. Notice the socialism-capitalism hybrid known as the welfare state thrives in many European countries.
Another prerequisite for such a discussion o be meaningful is democratic state where the ideas that appeal to the majority can be applied.
رائع الحوار ده
ويعكس قعلا عقلية الاغلبية الموجودة على الساحة
المصيبة انهم مختلفون في كل شيء، لم يتفقوا على شيء او لم يوجدوا أرضية مشتركة
amgad :
المشكلة ان المتدين النص لبة مش معترف بالدميقراطية، وهيقولك دي مش الإسلام :)
والمشكلة إن الرأسمالي رافض وجوده، والاشتراكي مش عاجبه الاتنين.
طيب السؤال دلوقتي، هيوصلوا للدميقراطية ازاي اذا كان في طرف مش مؤمن بيها، وطرف عاوز يقصر الديمقراطية على ناس معينة؟؟
يعني البيضة الأول ولا الفرخة؟؟ هنوصل للديمقراطية ازاي والناس اللي بالتفكير ده موجودين؟؟
اعتقد اننا لن نتحرك للامام طالما ظللنا على هذه العقليةالتى يحتقر كل طرف فيها الاخر و يمتهن حقة مدعيا العكس لنظل غارقين فى تلك الخلافات السخيفة الى الابد و اعتقد ان كل الاطراف تناست طرف ثالث لا يبدو واضحا فى الصورة وهو الطاغية المتعفن المستفيد الوحيد من هذا السخف
أبو باشا: الاسلاميون يعتقدون أكثر من غيرهم أنهم يمتلكون الحقيقة لذلك أتفق معك في أنهم أكثر عرضة للانفجار خاصة في مجتمع شرقي لأنهم يخرسون الجميع بالأحاديث و الفتاوي .... مسألة أفكار محلية صعبة شوية لأننا مش هنخترع العجلة من تاني.
أمجد
if we have such atmosphere we would not be here :)) although I do agree with u that democracy will give a place for every & each one.
Mohamed Mehrez
أهلاً بك ضيف عزيز
صابر
متعفن مصر الجديدة هو من خلق هذه الأجواء و يغذيها و يسعد بها
عجبني الحوار جدا لانه محاكاة لما يحدث في اي تجمع حواري سواء على النت او في الواقع
نفس الاشحاص ونفس المفردات
ونفس الطريقة الإقصائية التي يتبعها كل فريق مع المخالفين له في الرأي
كيف يتم اصلاح البلد ونحن اصلا لانتفق على قبول بعضنا البعض ؟؟
طالما بقينا على هذه الطريقة في التعامل مع فكر الآخر واقصيناه واخرسناه لننفرد نحن بالتفكير واقتراح الحلول التي بالطبع لايوجد فيها مساحة لوجود الآخر لن نتقدم خطوة واحدة للامام.
وكما ان الفكر التآمري مسيطر علينا ايضا ودائما مانعزوا قصورنا لأسباب خارجية ونبحث دائما عن شماعة نعلق عليها هذا القصور حتى نريح ضمائرنا المتعبة
وصباح الخير يامصر
لازلنا نبحث عن الخلطة السحرية للتعايش و الحوار و عدم اقصاء الاخر.
بسم الله الرحمن الرحيم، انا اسمي كريم 21 سنة خريج كلية اعلام جامعة 6 اكتوبر قسم اذاعة وتليفيزيون انا عايز اعلق عالحوار ده واقول انه عجبني فعلا وبيدور دايما ما بين الشباب اصحاب الاتجاهات والتيارات الفكرية المختلفة، انا سمعت الكلام ده كتير اوى لدرجة اني زهقت منه وكل لما اسمع حد هيبدأ في المواضيع دي بمشي وبسيبه لاني مش بوصل في النهاية لحل مقنع وده بالطبع لان مفيش ارضية مشتركة بين ال3 اطراف،
علشان كده انا بفكر في حل يرضي بأة الاطراف دي كلها، سكة جديدة محدش مشي فيها قبل كده، اعتقد انها هتكون صعبة تتحقق على ارض الواقع في ظل الظروف اللي احنا عايشينها دي وفي ظل حكومتنا الجميلة، بس السكة دي هي الحل الوحيد لينا علشان نبقى دولة محترمة في العالم الكبير ده، وإلا نفضل مكملين في الطريق بتاعنا ده اللي احنا مش عارفين هيوصلنا لفين في الاخر، بس اكيد طبعا هيوصلنا لمزبلة التاريخ،
السكة دي انا اطلقت عليها اسم (الطريق الرابع، الطريق الى المستقبل) بمعنى ايه ؟؟ بمعنى اننا ممكن نوجد ارضية مشتركة بين الاطراف ال3 المتنازعة دي مع الاستغناء عن نقاط الخلاف الاساسية الموجودة وهو ده مكمن الصعوبة . يعني ايه برضة ؟؟ جميل اوى ......
يعني اننا ناخد احسن حاجة في كل نظرية ونطبقها ونبعد تماما عن التضارب ونقاط الاختلاف اللي هتوجع لنا دماغنا وهتجيبنا لورا، يعني ايه برضو ؟؟
اولا : لازم نعترف اننا محتاجين للاستثمار ولرجال الاعمال ولرؤوس الاموال الضخمة دي، ده اولا ومينفعش نبدأ شغل من غيرها، وخصوصا رؤوس الاموال الاجنبية والاستثمارات الهايلة اللي بتطلع في النهاية شغل كويس وبتوجد اقتصاد قوي، واظن ان احنا عشنا عصر الانفتاح من ايام السادات وشوفنا بعد مالاجانب دخلوا البلد بفلوسهم وبمشاريعهم حصل ايه ؟؟؟ البلد اتطورت بس احنا اللي طفشناهم بعد كده بالعراقيل والصعوبات اللي فرضناها عليهم،
يبقى لازم نشيل كل الصعوبات دي ونجذب الاستثمارات دي من تاني علشان الاجانب يرجعوا يشتغلوا ويحطوا فلوسهم عندنا وميخافوش ويطفشوا،وادينا شفنا تجربة الامارات وشفنا دلوقتي دبي شكلها عامل ازاي، جنة الله في ارضه،
ثانيا : الخصخصة لازم تمشي على قدم وساق وده اللي حاصل اليومين دول مينفعش الحكومة تفضل محتكرة كل حاجة (وهي اصلا متقدرش تحتكر حاجة دي بدأت تبيع كل حاجة علشان فلست) يعني ايه ؟؟ لازم رجال اعمال مصريين وممكن اجانب كمان يمتلكوا مصالح كانت الحكومة بتديرها ويديروها هما بشكل كويس بس ده هيبقى ليه آثار سلبية في البداية بس طالما هيجيب فلوس لخزينة الدولة يبقى مش مشكلة بس في حاجتين مينفعوش يتخصخصوا علشان الامن القومي بتاع البلد وهما : النيل والإعلام، بعد كده ممكن نخصخص اي حاجة،
لازم نخلي للدين قيمة وواقع في حياتنا مش بس على مستوى الأفراد، لازم نعيش بالدين وللدين، بس في حاجات برضو مينفعش نطبقها في الواقع اللي احنا عايشين فيه ده، زي ايه مثلا : اولا مينفعش نرفض الفلوس اللي جاية من السياحة: لان دي مصدر اساسي من مصادر الدخل القومي ( معقول حد يرفس النعمة يا جدعان ) دي مصر بلد كلها سياحة بس برضو محتاجة تنظيم واهتمام وممكن بعد كده نحط قوانين تحرم الفلوس الحرام اللي ممكن تدخل من خلالها بس بعقل برضو مش نرفض الامر من اوله لاخره، مينفعش كمان نقول موضوع الجزية كل من هو غير مسلم يدفعها لان الكلام ده ايام الخلافة الاسلامية واحنا دلوقتي مش في خلافة اسلامية يعني لازم نظام الحكم يتغير علشان نطبق حاجة زي دي،
ثالثا : وده الاهم اننا نشجع المشروعات الصغيرة وندعمها وكل انسان ليه مشروع نفسه يحققه ندعمه، ونعمل زي الدول المتقدمة ونديله خطة يمشي عليها وده من خلال ادارات تخطيط من شباب صغير بيفهم وعنده خبرة شغالين برضو تحت ايدين ناس كبيرة عندها خبرة كبيرة في مجال التخطيط للمشاريع، وندي له مبلغ يقدر يبدأ بيه المشروع بتاعه في ظل الخطة اللي احنا حاطينهاله، وبكده نضمن ان فلوسنا مش هتضيع وفي نفس الوقت نضمن ان الراجل ده هيشتغل وهيحقق ارباح اللي احنا برضو هناخد منها ضرايب يعني الفلوس اللي هنديهالو هترجع لنا تاني طبعا وبكده يبقى في استثمار على مستوى الدولة وعلى مستوى الافراد والجماعات كمان،
رابعا : لازم نفهم اننا بعد ما نحقق كل ده هيبقى استفدنا من اتجاهات كتير زي ايه يعني ؟؟
1- شغلنا شباب كتير وانقذناهم من مستنقع البطالة.
2- انجزنا مشاريع كتير هتجيب فلوس للدولة بالملايين.
3- جذبنا استثمارات أجنبية هتزود الدخل القومي وهترفع من مستوى المعيشة وقيمة العملة المصرية.
4- هنقدر نتقدم ونبقى بلد صناعية بعد ما ندخل الميكنة التقيلة ونبدأ في بناء المصانع (طبعا دي خطوة مستقبلية مش هتتحقق دلوقتي لان طريق الصناعة مش سهل ومحتاج ايدي عاملة مدربة وعندها خبرة بالاضافة للأجهزة الحديثة المتطورة).
في النهاية انا عايز اقول ان دي مجرد افكار كانت في دماغي من زمان وانا كاتبها على ورق (يعني شغل نظري) وبحلم باليوم اللي ممكن تتطبق على ارض الواقع (شغل عملي) حبيت بس اعرضها عليكم وانا عارف ان ممكن يكون في حاجات غلط انا قلتها وممكن اكون ناقضت نفسي في بعض الأشياء لاني اكيد مش ملم بالنظريات الاقتصادية في العالم كله.
انا بس كل اللي بحلم بيه اننا نخرج من الضلمة اللي احنا عايشين فيها دي ونشوف النور ونلاقي مصر زيها زي أي دولة ( مش هقول دول اوروبا او امريكا ) محترمة ليها اقتصاد قوي ( مش اقتصاد قوي من فراغ زي الدول اللي بتعتمد عالثروات علشان تغطي النقص في اقتصادها ولا دولة بتعتمد على معونات من دول اجنبية ) نفسي كمان مسمعش كلمة تحت خط الفقر دي لانها بتقتلني، ممكن ارضى بكلمة فقر لانه ممكن يتعالج انما تحت خط الفقر ومستويات دخل بتتقدر في اليوم بما يوازي جنيه واحد فقط لا غير يبقى فعلا دي حاجة تقتل.
وشكرا لرحابة وسعة صدوركم.
المجهول
أولاً مرحباً بك و بتعليقك المفصل المطول
أتفق معك في كثير مما قلت , كعدم وجود أرضية مشتركة بين الأطراف الثلاثة و أتفق معك في عدم وجود ضوء في آخر النفق مع نظام كالذي يحكمنا في مصر
لكنني لاحظت بضعة نقاط في أفكارك:
1- أفكارك كلها رأسمالية إسلامية, بمعنى أنك لم تتحدث عن العدالة الاجتماعية ولا دور الدولة في التنمية (الاشتراكية) و هو ليس اعتراض أكثر من كونه ملاحظة كونك تريد أن ترضي جميع الاطراف
2- لا أعتقد يا عزيزي أنه من المستطاع إرضاء جميع الأطراف خاصة الإسلاميين, كون التصورات الدينية مقدسة بشكل عام فلن يقبل الإسلاميون بشكل عام بنوك ربوية أو خمور للسياح أو حرية فكر و إبداع مطلق , حتى و إن قبلوا فإنهم يقبلونها كمرحلة انتقالية حتى يأتي الوقت المناسب و يحققون رؤيتهم التي يرونها مقدسة منزلة من السماء
3- مسألة كون الإعلام من أمن دولة أصبحت تراثية لأنك كما ترى نحن نتكلم على الإنترنت الموجود أساساً في أمريكا
4- تجربتنا الرأسمالية في عهد السادات لم تكن اكثر بريقاً من تجربة مبارك الرأسمالية و هو ليس عيباً في الرأسمالية بقدر ما هو عيب في التطبيق و تسلط العصابات على تطبيق تلك التجربة
5- تلك الخلطة الرأسمالية الدينية الاشتراكية هي ما حاول السادات و من بعده مبارك أن يسيروا عليها و لم يفلحوا إلى الى الآن بسبب عدم وضوح الفكرة للناس من جهة و لمطبقيها من جهة أخرى (الإيمان بفكرة معينة او بقيمة هو دافع مهم لتحقيق أهدافها, كالحرية و المساواة في امريكا مثلاً كقيمة تتمحور حولها كل القوانين و التشريعات)
حلمك يا عزيزي هو حلم حلمه المصريون على مدى أجيال متتابعة و لم نصل إلى شيء بعد لأسباب عديدة
كنت دائماً و لا زلت أتصور أننا يمكننا النجاح تحت أي نظام مهماً يكن
بشرط أن يكون هناك نظام
تحياتي
Post a Comment
Links to this post:
Create a Link
<< Home